Azəri
Surah əl-Əla - Al-A‘lā - Aya count 19
سَبِّحِ ٱسۡمَ رَبِّكَ ٱلۡأَعۡلَى ﴿١﴾
Ən Uca Rəbbinin adını təsbih et!
ٱلَّذِی خَلَقَ فَسَوَّىٰ ﴿٢﴾
O Rəbbin ki, (hər şeyi) yaratdı və kamilləşdirdi.
وَٱلَّذِی قَدَّرَ فَهَدَىٰ ﴿٣﴾
O Rəbbin ki, (hər şeyin müqəddəratını əzəldən) müəyyən etdi və yol göstərdi.
وَٱلَّذِیۤ أَخۡرَجَ ٱلۡمَرۡعَىٰ ﴿٤﴾
O Rəbbin ki, otlağı çıxartdı.
فَجَعَلَهُۥ غُثَاۤءً أَحۡوَىٰ ﴿٥﴾
Sonra da onu (çürüyüb) qaralmış samana çevirdi.
سَنُقۡرِئُكَ فَلَا تَنسَىٰۤ ﴿٦﴾
(Ey Peyğəmbər!) Biz sənə (Quranı) oxudacağıq və sən (onu) unutmayacaqsan.
إِلَّا مَا شَاۤءَ ٱللَّهُۚ إِنَّهُۥ یَعۡلَمُ ٱلۡجَهۡرَ وَمَا یَخۡفَىٰ ﴿٧﴾
Yalnız Allahın istədiyindən başqa. Şübhəsiz ki, O, aşkarı da, gizlini də bilir.
وَنُیَسِّرُكَ لِلۡیُسۡرَىٰ ﴿٨﴾
Biz səni ən asan olana (Cənnətə aparan əməllərə) müvəffəq edəcəyik.
فَذَكِّرۡ إِن نَّفَعَتِ ٱلذِّكۡرَىٰ ﴿٩﴾
(Ey Peyğəmbər!) Xatırlatmaq fayda versə, xatırlat!
سَیَذَّكَّرُ مَن یَخۡشَىٰ ﴿١٠﴾
(Allahdan) qorxan öyüd-nəsihət götürəcəkdir.
وَیَتَجَنَّبُهَا ٱلۡأَشۡقَى ﴿١١﴾
Ən bədbəxt (kafir kimsə) isə ondan (öyüd-nəsihətdən) qaçacaqdır.
ٱلَّذِی یَصۡلَى ٱلنَّارَ ٱلۡكُبۡرَىٰ ﴿١٢﴾
O kimsə ki, ən böyük alova (Cəhənnəm alovuna) atılacaqdır.
ثُمَّ لَا یَمُوتُ فِیهَا وَلَا یَحۡیَىٰ ﴿١٣﴾
Sonra orada nə öləcək, nə də yaşaya biləcək.
قَدۡ أَفۡلَحَ مَن تَزَكَّىٰ ﴿١٤﴾
(Günahlardan) təmizlənən kimsə isə uğur qazanmışdır.
وَذَكَرَ ٱسۡمَ رَبِّهِۦ فَصَلَّىٰ ﴿١٥﴾
O kimsə ki, Rəbbinin adını xatırlayıb namaz qılmışdır.
بَلۡ تُؤۡثِرُونَ ٱلۡحَیَوٰةَ ٱلدُّنۡیَا ﴿١٦﴾
Xeyr, siz dünya həyatını üstün tutursunuz.
وَٱلۡـَٔاخِرَةُ خَیۡرࣱ وَأَبۡقَىٰۤ ﴿١٧﴾
Axirət isə daha xeyirli və daha davamlıdır.
إِنَّ هَـٰذَا لَفِی ٱلصُّحُفِ ٱلۡأُولَىٰ ﴿١٨﴾
Həqiqətən də, bu (anlatılanlar), əvvəlki səhifələrdə də vardır –
صُحُفِ إِبۡرَ ٰهِیمَ وَمُوسَىٰ ﴿١٩﴾
İbrahimin və Musanın səhifələrində.