This page contains the Arabic text, audio recitation, and Swahili translation of Surah At-Takathur (The Piling Up).
أَلۡهَىٰكُمُ ٱلتَّكَاثُرُ
﴿١﴾
Kumekushughulisheni kutafuta wingi, [1]
[1] Yamekushughulisheni mkaacha kutimiza yaliyo waajibu na ya ut'iifu kule kujitapa kwenu kwa wana na wafwasi, na kujifakhiri kwa mali, na hisabu, na nasaba, mpaka yakusibuni mauti!
(1)Tafseer:
حَتَّىٰ زُرۡتُمُ ٱلۡمَقَابِرَ
﴿٢﴾
Mpaka mje makaburini! [2]
[2] Mpaka yakusibuni mauti!
(2)Tafseer:
كَلَّا سَوۡفَ تَعۡلَمُونَ
﴿٣﴾
Sivyo hivyo! Mtakuja jua! [3]
[3] Hakika mtakuja jua matokeo ya upumbavu wenu na mapuuza yenu.
(3)Tafseer:
ثُمَّ كَلَّا سَوۡفَ تَعۡلَمُونَ
﴿٤﴾
Tena sivyo hivyo! Mtakuja jua! [4]
[4] Na hakika bila ya shaka mtakuja jua natija ya hayo!
(4)Tafseer:
كَلَّا لَوۡ تَعۡلَمُونَ عِلۡمَ ٱلۡیَقِینِ
﴿٥﴾
Sivyo hivyo! Lau mngeli jua kwa ujuzi wa yakini, [5]
[5] Ama kwa hakika lau mngeli jua kwa yakini uovu wa mwisho wenu bila ya shaka mngeli ogopa huko kushindania kurindika mali, na mngeli jitengenezea Akhera yenu.
(5)Tafseer:
لَتَرَوُنَّ ٱلۡجَحِیمَ
﴿٦﴾
Basi bila ya shaka mtaiona Jahannamu! [6]
[6] Nakuapieni na nakutilieni mkazo, enyi watu, kwamba hakika nyinyi mtakuja ushuhudia Moto unao waka.
(6)Tafseer:
ثُمَّ لَتَرَوُنَّهَا عَیۡنَ ٱلۡیَقِینِ
﴿٧﴾
Tena, bila ya shaka, mtaiona kwa jicho la yakini. [7]
[7] Kisha ninaapa na natilia mkazo kwamba mtauona wazi na kwa yakini.
(7)Tafseer:
ثُمَّ لَتُسۡـَٔلُنَّ یَوۡمَىِٕذٍ عَنِ ٱلنَّعِیمِ
﴿٨﴾
Tena bila ya shaka mtaulizwa siku hiyo juu ya neema. [8]
[8] Tena naapa na natilia mkazo kwamba hakika nyinyi mtahisabiwa kwa neema mlizo deka nazo na mkazistarehea.
(8)Tafseer: