This page contains the Arabic text, audio recitation, and Swahili translation of Surah As-Sharh (The Opening Forth).
أَلَمۡ نَشۡرَحۡ لَكَ صَدۡرَكَ
﴿١﴾
Hatukukunjulia kifua chako? [1]
[1] Hakika tumekukunjulia kifua chako kwa kuwa tulitia ndani yake Uwongofu na Imani.
(1)Tafseer:
وَوَضَعۡنَا عَنكَ وِزۡرَكَ
﴿٢﴾
Na tukakuondolea mzigo wako! [2]
[2] Na tumekupunguzia mizigo iliyo kuwa mizito juu ya mgongo wako, kwa kukuunga mkono na kukusahilishia mambo yako,
(2)Tafseer:
ٱلَّذِیۤ أَنقَضَ ظَهۡرَكَ
﴿٣﴾
Ulio vunja mgongo wako? [3]
[3] Ambayo yalikuwa ni mazito juu ya mgongo wako.
(3)Tafseer:
وَرَفَعۡنَا لَكَ ذِكۡرَكَ
﴿٤﴾
Na tukakunyanyulia utajo wako? [4]
[4] Na tumelitukuza jina lako, tukalifanya linatajwa na ulimi wa kila Muumini pamoja na jina letu.
(4)Tafseer:
فَإِنَّ مَعَ ٱلۡعُسۡرِ یُسۡرًا
﴿٥﴾
Basi kwa hakika pamoja na uzito upo wepesi! [5]
[5] Hizo ni baadhi ya neema zetu juu yako. Basi kuwa na yakini na uweza wa Mwenyezi Mtukufu, kwani pamoja na uzito upo wepesi mwingi unao kuja nao.
(5)Tafseer:
إِنَّ مَعَ ٱلۡعُسۡرِ یُسۡرࣰا
﴿٦﴾
Hakika pamoja na uzito upo wepesi. [6]
[6] Hakika pamoja na uzito (wakati huo huo ijapo kuwa wewe hujui), upo wepesi mwingi vile vile.
(6)Tafseer:
فَإِذَا فَرَغۡتَ فَٱنصَبۡ
﴿٧﴾
Na ukipata faragha, fanya juhudi. [7]
[7] Basi ukipata nafasi katika kazi ya kuwalingania watu, na mambo yaliyo khusiana na Jihadi, endelea na jitihada ya ibada na jishughulishe nafsi yako katika hayo.
(7)Tafseer:
وَإِلَىٰ رَبِّكَ فَٱرۡغَب
﴿٨﴾
Na Mola wako Mlezi ndio mshughulikie. [8]
[8] Kwa Mola wako Mlezi tu ndio uelekee kwa kumwomba na kumhitajia.
(8)Tafseer: