Holy Quran - Surah Az-Zalzalah (The Earthquake)

إِذَا زُلۡزِلَتِ ٱلۡأَرۡضُ زِلۡزَالَهَا ﴿١﴾

Itakapo tetemeshwa ardhi kwa mtetemeko wake! [1]

[1] Ikitisika ardhi kwa mtikiso mkubwa, na ikasukika kwa ukomo wa kutisika na kusukika kunako mkinika na ikaweza kuchukua!

(1)

Tafseer:

وَأَخۡرَجَتِ ٱلۡأَرۡضُ أَثۡقَالَهَا ﴿٢﴾

Na itakapo toa ardhi mizigo yake! [2]

[2] Na ardhi ikatoa yote yaliomo katika ndani ya tumbo lake, ikiwa khazina au maiti walio kwisha zikwa!

(2)

Tafseer:

وَقَالَ ٱلۡإِنسَـٰنُ مَا لَهَا ﴿٣﴾

Na mtu akasema: Ina nini? [3]

[3] Na binaadamu akasema kwa kushtuka na khofu: Ardhi hii ina nini hata inatikisika hivi, na inatoa vilivyomo tumboni mwake, ndio Saa imefika?

(3)

Tafseer:

یَوۡمَىِٕذࣲ تُحَدِّثُ أَخۡبَارَهَا ﴿٤﴾

Siku hiyo itahadithia khabari zake. [4]

[4] Siku hiyo ardhi itamsimulia mtu khabari zake zilio mshitua,

(4)

Tafseer:

بِأَنَّ رَبَّكَ أَوۡحَىٰ لَهَا ﴿٥﴾

Kwa sababu Mola wake Mlezi ameifunulia! [5]

[5] Kwani Mlezi wake na Muumba wake atakuwa kaifunulia, kaipa Wahyi, na kaiamuru itetemeke na ijisuke suke, ndio ikafanya upesi kutekeleza amri.

(5)

Tafseer:

یَوۡمَىِٕذࣲ یَصۡدُرُ ٱلنَّاسُ أَشۡتَاتࣰا لِّیُرَوۡاْ أَعۡمَـٰلَهُمۡ ﴿٦﴾

Siku hiyo watu watatoka kwa mfarakano wakaonyweshwe vitendo vyao! [6]

[6] Siku hiyo watu watatoka makaburini mbio, nao wamo katika mtafaruku, wapate kuziona hisabu zao na malipo yao aliyo waahidi Mwenyezi Mungu.

(6)

Tafseer:

فَمَن یَعۡمَلۡ مِثۡقَالَ ذَرَّةٍ خَیۡرࣰا یَرَهُۥ ﴿٧﴾

Basi anaye tenda chembe ya wema, atauona! [7]

[7] Basi mwenye kufanya hata kitu chenye uzito wa punje ya mchanga cha kheri ataiona katika daftari lake, na atapata malipo yake.

(7)

Tafseer:

وَمَن یَعۡمَلۡ مِثۡقَالَ ذَرَّةࣲ شَرࣰّا یَرَهُۥ ﴿٨﴾

Na anaye tenda chembe ya uovu atauona! [8]

[8] Na mwenye kufanya shari ya uzito wa chembe ya mchanga ataiona kadhaalika, na atapata malipo yake. Wala Mola wako Mlezi hatamdhulumu yeyote.

(8)

Tafseer:

Surah Az-Zalzalah (The Earthquake)