Filipino (Tagalog)
Surah Ad-Duhā - Aya count 11
وَٱلضُّحَىٰ ﴿١﴾
Sumpa man sa kaliwanagan [ng umaga],
وَٱلَّیۡلِ إِذَا سَجَىٰ ﴿٢﴾
sumpa man sa gabi kapag lumukob ito;
مَا وَدَّعَكَ رَبُّكَ وَمَا قَلَىٰ ﴿٣﴾
hindi namaalam sa iyo [O Propeta Muḥammad] ang Panginoon mo at hindi Siya nasuklam.
وَلَلۡـَٔاخِرَةُ خَیۡرࣱ لَّكَ مِنَ ٱلۡأُولَىٰ ﴿٤﴾
Talagang ang Kabilang-buhay ay higit na mabuti para sa iyo kaysa sa Unang-buhay.
وَلَسَوۡفَ یُعۡطِیكَ رَبُّكَ فَتَرۡضَىٰۤ ﴿٥﴾
Talagang magbibigay sa iyo ang Panginoon mo kaya malulugod ka.
أَلَمۡ یَجِدۡكَ یَتِیمࣰا فَـَٔاوَىٰ ﴿٦﴾
Hindi ba nakatagpo Siya sa iyo na isang ulila kaya kumanlong Siya sa iyo?
وَوَجَدَكَ ضَاۤلࣰّا فَهَدَىٰ ﴿٧﴾
Nakatagpo Siya sa iyo na isang nalilingat kaya nagpatnubay Siya [sa iyo].
وَوَجَدَكَ عَاۤىِٕلࣰا فَأَغۡنَىٰ ﴿٨﴾
Nakatagpo Siya sa iyo na isang naghihikahos kaya nagpasapat Siya.
فَأَمَّا ٱلۡیَتِیمَ فَلَا تَقۡهَرۡ ﴿٩﴾
Kaya hinggil naman sa ulila ay huwag kang manlupig [sa kanya].
وَأَمَّا ٱلسَّاۤىِٕلَ فَلَا تَنۡهَرۡ ﴿١٠﴾
Hinggil naman sa nanghihingi ay huwag kang magtaboy [sa kanya].
وَأَمَّا بِنِعۡمَةِ رَبِّكَ فَحَدِّثۡ ﴿١١﴾
Hinggil naman sa kaugnay sa biyaya ng Panginoon mo ay magsanaysay ka.