Filipino (Tagalog)
Surah Al-‘Alaq - Aya count 19
ٱقۡرَأۡ بِٱسۡمِ رَبِّكَ ٱلَّذِی خَلَقَ ﴿١﴾
Bumasa ka sa ngalan ng Panginoon mo na lumikha,
خَلَقَ ٱلۡإِنسَـٰنَ مِنۡ عَلَقٍ ﴿٢﴾
lumikha sa tao mula sa isang malalinta.
ٱقۡرَأۡ وَرَبُّكَ ٱلۡأَكۡرَمُ ﴿٣﴾
Bumasa ka at ang Panginoon mo ay ang Pinakamapagbigay,
ٱلَّذِی عَلَّمَ بِٱلۡقَلَمِ ﴿٤﴾
na nagturo sa pamamagitan ng panulat,
عَلَّمَ ٱلۡإِنسَـٰنَ مَا لَمۡ یَعۡلَمۡ ﴿٥﴾
nagturo sa tao ng hindi nito nalaman.
كَلَّاۤ إِنَّ ٱلۡإِنسَـٰنَ لَیَطۡغَىٰۤ ﴿٦﴾
Aba’y hindi! Tunay na ang tao ay talagang nagmamalabis
أَن رَّءَاهُ ٱسۡتَغۡنَىٰۤ ﴿٧﴾
dahil nakakita siya sa sarili niya na nakasapat.[739]
إِنَّ إِلَىٰ رَبِّكَ ٱلرُّجۡعَىٰۤ ﴿٨﴾
Tunay na tungo sa Panginoon mo ang [huling] pagbabalikan.
أَرَءَیۡتَ ٱلَّذِی یَنۡهَىٰ ﴿٩﴾
Nakakita ka ba sa sumasaway
عَبۡدًا إِذَا صَلَّىٰۤ ﴿١٠﴾
sa isang lingkod [ni Allāh] kapag nagdasal ito?
أَرَءَیۡتَ إِن كَانَ عَلَى ٱلۡهُدَىٰۤ ﴿١١﴾
Nakakita ka ba kung siya ay nasa patnubay,
أَوۡ أَمَرَ بِٱلتَّقۡوَىٰۤ ﴿١٢﴾
o nag-utos ng pangingilag magkasala?
أَرَءَیۡتَ إِن كَذَّبَ وَتَوَلَّىٰۤ ﴿١٣﴾
Nakakita ka ba kung nagpasinungaling siya [inihatid ng Sugo] o tumalikod siya?
أَلَمۡ یَعۡلَم بِأَنَّ ٱللَّهَ یَرَىٰ ﴿١٤﴾
Hindi ba siya nakaalam na si Allāh ay nakakikita [ng ginagawa niya]?
كَلَّا لَىِٕن لَّمۡ یَنتَهِ لَنَسۡفَعَۢا بِٱلنَّاصِیَةِ ﴿١٥﴾
Aba’y hindi! Talagang kung hindi siya tumigil ay talagang hahablot nga Kami sa bumbunan:
نَاصِیَةࣲ كَـٰذِبَةٍ خَاطِئَةࣲ ﴿١٦﴾
isang bumbunan na nagsisinungaling, nagkakamali.
فَلۡیَدۡعُ نَادِیَهُۥ ﴿١٧﴾
Kaya tumawag siya sa kapulungan niya.
سَنَدۡعُ ٱلزَّبَانِیَةَ ﴿١٨﴾
Tatawag Kami sa mga bantay [ng Impiyerno].[740]
كَلَّا لَا تُطِعۡهُ وَٱسۡجُدۡ وَٱقۡتَرِب ۩ ﴿١٩﴾
Aba’y hindi! Huwag kang tumalima sa kanya, magpatirapa ka, at lumapit ka [kay Allāh].