Filipino (Tagalog)
Surah Al-Infitār - Aya count 19
إِذَا ٱلسَّمَاۤءُ ٱنفَطَرَتۡ ﴿١﴾
Kapag ang langit ay nabitak,
وَإِذَا ٱلۡكَوَاكِبُ ٱنتَثَرَتۡ ﴿٢﴾
kapag ang mga tala ay kumalat,
وَإِذَا ٱلۡبِحَارُ فُجِّرَتۡ ﴿٣﴾
kapag ang mga dagat ay isinambulat,
وَإِذَا ٱلۡقُبُورُ بُعۡثِرَتۡ ﴿٤﴾
at kapag ang mga libingan ay hinalukay;
عَلِمَتۡ نَفۡسࣱ مَّا قَدَّمَتۡ وَأَخَّرَتۡ ﴿٥﴾
malalaman ng isang kaluluwa ang ipinauna niya at ipinaantala niya [na mga gawa].
یَـٰۤأَیُّهَا ٱلۡإِنسَـٰنُ مَا غَرَّكَ بِرَبِّكَ ٱلۡكَرِیمِ ﴿٦﴾
O tao, ano ang luminlang sa iyo hinggil sa Panginoon mo, ang Mapagbigay?
ٱلَّذِی خَلَقَكَ فَسَوَّىٰكَ فَعَدَلَكَ ﴿٧﴾
[Siya] ang lumikha sa iyo, saka humubog sa iyo, saka nagpaangkop sa iyo.
فِیۤ أَیِّ صُورَةࣲ مَّا شَاۤءَ رَكَّبَكَ ﴿٨﴾
Sa alinmang anyo na niloob Niya ay bumuo Siya sa iyo.
كَلَّا بَلۡ تُكَذِّبُونَ بِٱلدِّینِ ﴿٩﴾
Aba’y hindi! Bagkus nagpapasinungaling kayo sa pagtutumbas [sa mga gawa].
وَإِنَّ عَلَیۡكُمۡ لَحَـٰفِظِینَ ﴿١٠﴾
10 Tunay na sa inyo ay talagang may mga tagapag-ingat,
كِرَامࣰا كَـٰتِبِینَ ﴿١١﴾
na mararangal na mga tagasulat.
یَعۡلَمُونَ مَا تَفۡعَلُونَ ﴿١٢﴾
Nakaaalam sila sa anumang ginagawa ninyo.
إِنَّ ٱلۡأَبۡرَارَ لَفِی نَعِیمࣲ ﴿١٣﴾
Tunay na ang mga mabuting-loob ay talagang nasa isang kaginhawahan.
وَإِنَّ ٱلۡفُجَّارَ لَفِی جَحِیمࣲ ﴿١٤﴾
Tunay na ang mga masamang-loob ay talagang nasa isang impiyerno.
یَصۡلَوۡنَهَا یَوۡمَ ٱلدِّینِ ﴿١٥﴾
Masusunog sila roon sa Araw ng Pagtutumbas.
وَمَا هُمۡ عَنۡهَا بِغَاۤىِٕبِینَ ﴿١٦﴾
Sila palayo roon ay hindi mga makaliliban.
وَمَاۤ أَدۡرَىٰكَ مَا یَوۡمُ ٱلدِّینِ ﴿١٧﴾
Ano ang nagpabatid sa iyo kung ano ang Araw ng Pagtutumbas?
ثُمَّ مَاۤ أَدۡرَىٰكَ مَا یَوۡمُ ٱلدِّینِ ﴿١٨﴾
Pagkatapos ano ang nagpabatid sa iyo kung ano ang Araw ng Pagtutumbas?
یَوۡمَ لَا تَمۡلِكُ نَفۡسࣱ لِّنَفۡسࣲ شَیۡـࣰٔاۖ وَٱلۡأَمۡرُ یَوۡمَىِٕذࣲ لِّلَّهِ ﴿١٩﴾
[Iyon ay] sa Araw na hindi makapagdudulot ang isang kaluluwa sa isang kaluluwa ng anuman at ang pag-uutos sa Araw na iyon ay ukol kay Allāh.