Tajik Тоҷикӣ
Surah Сураи Инфитор (Шикофтан) - Al-Infitār - Aya count 19
إِذَا ٱلسَّمَاۤءُ ٱنفَطَرَتۡ ﴿١﴾
Он гоҳ ки осмон шикофта шавад
وَإِذَا ٱلۡكَوَاكِبُ ٱنتَثَرَتۡ ﴿٢﴾
Он гоҳ ки ситорагон пароканда шаванд [ва фуру резанд]
وَإِذَا ٱلۡبِحَارُ فُجِّرَتۡ ﴿٣﴾
Ва он гоҳ ки дарёҳо [ба ҳам омезанд ва] равон гарданд
وَإِذَا ٱلۡقُبُورُ بُعۡثِرَتۡ ﴿٤﴾
Ва он гоҳ ки қабрҳо зеру рӯ шавад
عَلِمَتۡ نَفۡسࣱ مَّا قَدَّمَتۡ وَأَخَّرَتۡ ﴿٥﴾
[Дар он ҳангом] Ҳар кас медонад, чи чизҳоеро пешопеш фиристода ва чи чизҳоеро вопас ниҳода [ва бар ҷой гузоштааст]
یَـٰۤأَیُّهَا ٱلۡإِنسَـٰنُ مَا غَرَّكَ بِرَبِّكَ ٱلۡكَرِیمِ ﴿٦﴾
Эй инсон, чи чизе туро [нисбат] ба Парвардигори каримат мағрур сохтааст?
ٱلَّذِی خَلَقَكَ فَسَوَّىٰكَ فَعَدَلَكَ ﴿٧﴾
Он [Парвардигоре], ки туро офарид ва сипас сару сомонат дод ва он гоҳ мутаодил ва муносибат кардааст
فِیۤ أَیِّ صُورَةࣲ مَّا شَاۤءَ رَكَّبَكَ ﴿٨﴾
Ва ба ҳар шакле [ва сурате], ки хост, туро таркиб намуд
كَلَّا بَلۡ تُكَذِّبُونَ بِٱلدِّینِ ﴿٩﴾
Ҳаргиз чунин нест [ки шумо гумон мекунед]; балки шумо рӯзи ҷазоро такзиб мекунед
وَإِنَّ عَلَیۡكُمۡ لَحَـٰفِظِینَ ﴿١٠﴾
Ва бе гумон, нигоҳбононе [аз фариштагон] бар шумо гуморида шудаанд
كِرَامࣰا كَـٰتِبِینَ ﴿١١﴾
Ки нависандагоне бузургворанд
یَعۡلَمُونَ مَا تَفۡعَلُونَ ﴿١٢﴾
Он чиро анҷом медиҳед, медонанд [ва аъмоли неку бади шуморо сабт мекунанд]
إِنَّ ٱلۡأَبۡرَارَ لَفِی نَعِیمࣲ ﴿١٣﴾
Мусалламан, накукорон дар неъмат [-ҳои биҳишт] ҳастанд
وَإِنَّ ٱلۡفُجَّارَ لَفِی جَحِیمࣲ ﴿١٤﴾
Ва яқинан бадкорон дар [оташи] ҷаҳаннаманд
یَصۡلَوۡنَهَا یَوۡمَ ٱلدِّینِ ﴿١٥﴾
Рӯзи ҷазо ба он дароянд [ва бисӯзанд]
وَمَا هُمۡ عَنۡهَا بِغَاۤىِٕبِینَ ﴿١٦﴾
Ва ҳаргиз онон аз он ҷо ба дур ва [дар амон] набошанд
وَمَاۤ أَدۡرَىٰكَ مَا یَوۡمُ ٱلدِّینِ ﴿١٧﴾
Ва ту чи донӣ, ки рӯзи ҷазо чист?
ثُمَّ مَاۤ أَدۡرَىٰكَ مَا یَوۡمُ ٱلدِّینِ ﴿١٨﴾
Боз ту чи медонӣ, ки рӯзи ҷазо чист?
یَوۡمَ لَا تَمۡلِكُ نَفۡسࣱ لِّنَفۡسࣲ شَیۡـࣰٔاۖ وَٱلۡأَمۡرُ یَوۡمَىِٕذࣲ لِّلَّهِ ﴿١٩﴾
Рӯзе, ки ҳеҷ кас қодир ба анҷоми коре барои дигаре нест; ва дар он рӯзи ҳукм [ва фармон] аз они Аллоҳ таоло аст